… und üben Sie schon mal:
Dat Globensbekenntnis up Platt: Ick verlaat mi up Gott, den’ Vadder, so as Jesus em uns wiest hett. In ‘t Bibelbauk is von em schräben: Väle Minschen hemm’ sick von Gott raupen laten un up em ehr Tauvertrugen sett’t. Ok ick dörf tau sien Gemein gehüren.Ick heff dorvon ein Inseihn krägen, dat wi Minschen all un de ganze Welt ut Gott sien Hand kamen. In Leiw will hei, dat wi läben un dat wi uns för dat Läben insetten daun. Ick verlaat mi dorup, dat Jesus de Wohrheit von Gott sien Leiw seggt un ok lääwt hett un dat hei in Gottvertrugen an ‘t Krüz storben is. Un Gott hett em Recht gäben un hett em tau sick in ‘t Läben raupen.Dor verlaat ick mi up, dat nicks nich, ok de Dod nich, uns von Gott sien Leiw wegrieten kann; dor kann ‘n sick dörch Jesus Christus up verlaten. Amen
un:
Uns’ Vadder in’ Himmel, heilig grot wäs bi uns dien’n Nam’; dien Herrschaft sall sick dörchsetten; wat du wisst, sall gescheihn so as in ‘n Himmel ok up de Ierd; laat uns Dag för Dag taukamen, wat wi tau ‘n Läben bruken; un räken uns nich tau, wat wi unrecht daan hemm’, so as wi vergäben daun, wat uns wän schüllig is; laat uns nich dorhen kamen, wo uns Tauvertrugen tau di intweibräken künn; un maak uns fri von all’s un jeden, wecke dat Läben rungenieren will’n. Du wisst dat, du kannst dat, du deist dat ok. Amen
...
Zu Erntedank hören es die Gottesdienstbesucher von Pastor im Ruhestand Christian Voß, er gestaltet den Gottesdienst up Platt in Gessin. Viele der Texte hat er selbst bearbeitet oder übertragen in das Mecklenburger Platt, das nur eine der vielen Dialektformen ist. Kirchenlieder, Evangeliumslesung, Predigt, Gebet – alles wie im hochdeutschen Gottesdienst, nur eben alles up Platt.